अतुल दिघाडे
जिल्हाप्रतिनिधी
माहाराष्ट्र :- देशाचे दिग्गज नेते आणि राष्ट्रवादी काँग्रेस (शरद पवार गट) चे अध्यक्ष शरद पवार राज्यातील राजकारणात पुन्हा एकदा मोठी खेळी करणार असल्याची माहिती समोर आली आहे.
या माहितीनुसार शरद पवार लवकरच काँग्रेसमध्ये प्रवेश करू शकतात. ZEE न्यूजच्या वृत्तात सूत्रांच्या हवाल्याने असा दावा करण्यात आला आहे. शरद पवार यांनी आपला राष्ट्रवादीचा गट काँग्रेसमध्ये विलीन करण्याची तयारी केली आहे.
यावर अंतिम निर्णय घेण्यासाठी शरद पवार यांनी आपल्या आमदार-खासदारांची पुण्यात तातडीची बैठक बोलावली आहे. शरद पवारांसाठी गेले काही महिने खूप कठीण गेले.
भारतीय राजकारणातील ‘चाणक्य’ म्हणून ओळखल्या जाणाऱ्या शरद पवार यांच्याकडून अजित पवारांनी राष्ट्रवादी काँग्रेस पक्ष घेतला आणि भाजपशी हातमिळवणी करत राज्याचे उपमुख्यमंत्री झाले.
यामुळे मोठी राजकीय खेळी करत शरद पवार पुन्हा एकदा काँग्रेसमध्ये प्रवेश करणार असल्याची माहिती समोर आली आहे. मात्र, शरद पवार यांनी अद्याप या वृत्ताला दुजोरा दिलेला नाही.
1 मे 1960 रोजी आपल्या राजकीय कारकिर्दील सुरुवात करणारे शरद पवार हे नेहमीच ‘आपत्तीचे संधीत रूपांतर’ करणारे करिष्माई नेते मानले जातात.आणीबाणीनंतर काँग्रेसमध्ये फूट पडलेल्या ‘रेड्डी काँग्रेस’मध्ये सामील होऊन जुलै 1978 मध्ये ते महाराष्ट्राचे सर्वात तरुण मुख्यमंत्री बनले. शरद पवार महाराष्ट्राचे तीन वेळा मुख्यमंत्री राहिले आहेत.
रेड्डी काँग्रेस सोडून 1986 मध्ये काँग्रेसमध्ये परतले आणि 1988 मध्ये दुसऱ्यांदा मुख्यमंत्री झाले. 1993 मध्ये ते तिसऱ्यांदा मुख्यमंत्री झाले.1996 पासून केंद्रीय राजकारणात वर्चस्व शरद पवार यांनी 1996 पासून महाराष्ट्रातील तसेच केंद्रीय राजकारणात हस्तक्षेप करण्यास सुरुवात केली.
पीव्ही नरसिंह राव यांच्या काँग्रेस सरकारनंतर शरद पवार यांची ‘चाणक्य नीति’ आणि लालू प्रसाद यादव यांची ‘फेरफार’ यांनी काँग्रेसच्या पाठिंब्याने एचडी देवेगौडा आणि इंदरकुमार गुजराल यांच्या संयुक्त आघाडीची सरकारे स्थापन करण्यात महत्त्वाची भूमिका बजावली होती.
महाराष्ट्रात तीन दशकांहून अधिक काळ चालत आलेले भाजप आणि शिवसेना यांच्यातील संबंध तोडण्याची पटकथा लिहिणारे शरद पवार मानले जातात महाराष्ट्राचे मुख्यमंत्री झाल्यानंतर उद्धव ठाकरे यांनी एनडीए आघाडी आणि भाजपशी संबंध तोडून राष्ट्रवादी काँग्रेस आणि काँग्रेससोबत महाविकास आघाडी आघाडी (एमव्हीए) स्थापन केली.
