जिल्हाप्रतिनिधी
नागपुर-सिकंदराबाद वंदे भारत एक्सप्रेस ट्रेनचे उद्घाटन; चंद्रपूर रेल्वे स्थानकावर विशेष कार्यक्रम
चंद्रपूर :- आज दि, 16 सप्टेंबर 2024 रोजी, पंतप्रधान नरेंद्र मोदी यांच्या वर्चुअल उद्घाटनाने नागपुर ते सिकंदराबाद दरम्यानच्या वंदे भारत एक्सप्रेस ट्रेनला प्रारंभ झाला. या खास प्रसंगी चंद्रपूर रेल्वे स्थानकावर एक भव्य कार्यक्रम आयोजित करण्यात आला.
News reporter :- अतुल दिघाडे
या कार्यक्रमात आमदार किशोर जोरगेवार यांनी ट्रेनच्या लोको पायलटला “अम्मा का टिफिन” देऊन त्यांचा सन्मान केला. यावेळी मागासवर्गीय ओबीसी आयोगाचे अध्यक्ष हंसराज अहिर, खासदार प्रतिभा धानोरकर, रमणिक चव्हाण, विवेक खोके, अभिषेक गुप्ता, किरण नागपूरे, एस.एस. मानकर, प्रसाद, रमेश राजूरकर, नायब तहसीलदार डॉ. जितेंद्र गादेवार, डॉ. गोपाल मुंदडा आणि इतर मान्यवर उपस्थित होते.
या नवीन वंदे भारत एक्सप्रेस ट्रेनने प्रवाशांसाठी आधुनिक सुविधा आणि आरामदायक प्रवासाचे वचन दिले आहे, तसेच भारतीय रेल्वेच्या प्रगतीला एक नवीन दिशा दिली आहे.
