चंद्रपूर: जिल्हा दंडाधिकारी कार्यालयातून ठेकेदाराने धनादेश (चेक) चोरून २९ लाख रुपये काढून घेतले
कंत्राटदार ए. आर. एंटरप्रायझेसचे मालक प्रा. रेहान शेख यांच्या खात्यात चेक रकम जमा,
चंद्रपूर :- ७ डिसेंबर २०२४: चंद्रपूर जिल्हा दंडाधिकारी कार्यालयातून एक धक्कादायक घटना उघडकीस आली आहे. जिल्हा दंडाधिकारी कार्यालयातील एका कंत्राटदाराने सरकारी धनादेश चोरून त्यावर बनावट स्वाक्षरी करून २९ लाख ७८ हजार ४०० रुपये काढून घेतले आहेत. या प्रकरणाने प्रशासन आणि पोलिस यंत्रणेत खळबळ माजवली आहे.
News reporter :- अतुल दिघाडे
ही घटना २०२४ च्या १२ सप्टेंबरला समोर आली, जेव्हा जिल्हा दंडाधिकारी कार्यालयाच्या संजय गांधी शाखेच्या तहसीलदार सीमा गजभिये यांनी बँक तपासणी दरम्यान एक अनोळखी धनादेश आढळला. बँक स्टेटमेंटनुसार, ३१ ऑगस्ट २०२४ रोजी ए. आर. एंटरप्रायझेसच्या खात्यात २९ लाख ७८ हजार ४०० रुपये जमा झाले होते. परंतु, तपासणी केली असता संबंधित धनादेश क्रमांक ४३९८९० च्या चेकबुकमध्ये कोणताही चेक आढळला नाही.
तपासात असे स्पष्ट झाले की, या धनादेशावर कोणत्याही अधिकृत अधिकार्‍याची स्वाक्षरी नाही आणि चेक बनावट असल्याचे समोर आले. नंतर तपासाच्या वेळी, या धनादेशाचे संबंधित कंत्राटदार ए. आर. एंटरप्रायझेसचे मालक प्रा. रेहान शेख यांच्या खात्यात जमा झाले असल्याचे उघडकीस आले. त्यामुळे जिल्हा दंडाधिकारी कार्यालयाने तत्काळ पोलिसांकडे तक्रार दाखल केली आणि रामनगर पोलिसांनी रेहान शेखविरुद्ध ६ कलमान्वये गुन्हा दाखल केला.
याप्रकरणी पोलिसांनी तपास सुरू केला असून, आरोपी रेहान शेखवर सरकारी कामात फसवणूक आणि बनावट स्वाक्षरी करून सरकारी धनादेशाचा गैरवापर करण्याचा आरोप आहे. या प्रकरणामुळे जिल्हा प्रशासन आणि कंत्राटदार यांच्यातील विश्वासघात उघड झाला आहे, आणि आता पोलिस अधिक तपास करणार आहेत.
या घटनेने प्रशासनिक यंत्रणेत खळबळ माजवली आहे, आणि संपूर्ण प्रकरणाची गहन तपासणी सुरू आहे. पोलिसांनी आरोपीला अटक केली आहे.
कंत्राटदाराच्या या गैरकृत्यामुळे शासनाच्या निधीचा अपव्यय झाल्याचा आरोप केला जात आहे, आणि संबंधित कार्यालयांकडून अधिक तपास सुरू आहे.
