मनसे वाहतूक सेनेची एसीबी पोलीस महासंचालक संजीव कुमार सिंघल यांच्याकडे मागणी, परिवहन आयुक्त यांच्याकडे पण बैठक ठरली.
RTO चा पंचनामा भाग -7
चंद्रपूर RTO च्या लक्कडकोट येथील महाराष्ट्र तेलंगना सिमा नाक्यावर अमरावतीच्या एसीबी पथकाने धाड टाकून सहाय्यक मोटर वाहन निरीक्षक शिवाजी विभुते यांना रंगेहात 500 रुपयाची लाच घेतांना अटक केल्यानंतर त्या सिमा नाक्यावर वसुली करिता ड्युटी लावणारे मुख्य आरोपी उपप्रादेशिक परिवहन अधिकारी किरण मोरे व आंनद मेश्राम यांच्यावर सुद्धा गुन्हा दाखल व्हायला हवा होता पण त्यांनी या गुन्ह्यातून सुटकेसाठी एसीबी पथकाला 50 लाख रुपये दिल्याची बातमी एका श्रमिक मंथन या वृत्तपत्रात आल्याने या प्रकरणी एसीबी पथकांच्या अधिकारी कर्मचारी यांच्यासह RTO अधिकारी किरण मोरे व आंनद मेश्राम यांच्यावर गुन्हे दाखल करून त्यांना अटक करावी अशी मागणी मनसे वाहतूक सेनेचे जिल्हाध्यक्ष महेश वासलवार यांनी एसीबी पोलीस महासंचालक संजीव कुमार सिंघल यांच्याकडे केली आहे, दरम्यान राज्याचे परिवहन आयुक्त विवेक भिमनवार यांच्याकडे मनसे वाहतूक सेनेची मुंबई पदाधिकारी यांची दिनांक 13 मार्च 2025 ला बैठक असून त्या बैठकीत चंद्रपूर वाहतूक सेनेचे पदाधिकारी सहभागी होणार असल्याने मोरे आणि मेश्राम संकटात सापडले आहे.
काय आहे मूळ प्रकरण?
लक्कडकोट येथील तेलंगना सिमा नाक्यावर बेकायदेशीरपणे हजारो हायवा ट्रक व जड वाहन चालकांकडून एंट्री फी च्या नावावर प्रत्येक वाहन 500/- ते 1000/- रुपये येथे ड्युटीवर असलेल्या RTO वाहन निरीक्षक, सहाय्यक निरीक्षक व त्यांनी नियुक्त केलेले खाजगी एजन्ट यांच्या माध्यमातून गोळा केल्या जाते, हा गोळा झालेला प्रत्येक दिवशीचा पैसा जवळपास 3 ते 5 लाख एवढा गोळा होतो, अशाच प्रकारे प्रत्येक ट्रक चालकांकडून 500 रुपये घेतांना अमरावती एसीबी च्या पथकाने सहाय्यक मोटर वाहन निरीक्षक शिवाजी विभुते यांच्यासह एका खाजगी एजंट ला दिनांक 21/2/2025 ला रात्रौला रंगेहात अटक केली होती, परंतु या कार्यवाहीत पुन्हा दोन निरीक्षक यांची नावे समोर आली तर त्यांना या गुन्ह्यातून सोडले असल्याची माहिती आहे, दरम्यान ह्या प्रकरणात आरोपी शिवाजी विभुते यांचा दुसऱ्याच दिवशीच जामीन झाला आणि एका वृत्तपत्रात प्रकाशित बातमी नुसार एसीबी च्या पथकाने प्रादेशिक परिवहन अधिकारी किरण मोरे आणि उपप्रादेशिक परिवहन अधिकारी आनंद मेश्राम यांची सुटका करण्याच्या नावाखाली 50 लाख लाच घेतल्याचा आरोप करण्यात आला आहे, जो अतिशय गंभीर प्रकार असून याबाबत एसीबी च्या पोलीस महासंचालकांनी चौकशी करण्याचे आदेश द्यावे अशी मागणी मनसे वाहतूक सेनेकडून करण्यात आली आहे.
वाहनांची स्थिती काय ? RTO चे दर किती?
चंद्रपूर RTO चे अधिकारी हे केवळ सिमा नाक्यावरूनच अवैध वसुली करत नसून जिल्ह्यातील 10 हजार पेक्षा वर असलेल्या हायवा, ट्रक टिप्पर व ट्रॅक्टर चालक मालक यांच्याकडून ते एंट्री फी च्या नावाखाली 3500/- ते 5000/- रुपये एजंट मार्फत वसुली करत असतें ती रक्कम महिन्याकाठी जवळपास 4 कोटीच्या जवळपास आहे, चंद्रपूर येथे असलेले सिमेंट उद्योग, लोह कंपन्या व कोळसा खाणी यामध्ये दररोज गडचिरोली यवतमाळ जिल्ह्यातील वाहने यासंह आंध्र प्रदेश, तेलंगना, मध्यप्रदेश, गुजरात, मध्यप्रदेश छत्तीसगड या प्रांतातील वाहने चंद्रपूर जिल्ह्यात येतात त्यांच्याकडून सुद्धा एंट्री फी च्या नावावर RTO अधिकारी व एजंट मार्फत पैसे वसुल केल्या जाते त्याची रक्कम महिन्याकाठी जवळपास एक कोटीच्या घरात आहे. चंद्रपूर RTO कार्यालयात पासिंग, फिटनेस, लायसन्स, ट्रान्सफर इत्यादी कामासाठी दर ठरलेले आहेत त्यापोटी जवळपास महिन्याकाठी 3 कोटीची वसुली होतं असतें, हे सर्व कामे करण्यासाठी RTO किरण मोरे यांनी जवळपास 30 ते 50 खाजगी एजंट नियुक्त करून पैसे गोळा करण्याचे काम सुरु आहे.
RTO ची किती आहे वसुली ?
RTO चंद्रपूर कार्यालयात वसुली करण्यासाठी अरुण टोगे, रवी निवलकर, संजय नगराळे, राहुल नगराळे, देवा गोंगले, दिपक खाडीलकर, रमेश नळे, मनोज घडसे, गणवीर, कुणाल नगराळे, पंकज, अतुल माळवे हे प्रमुख एजंट असून त्यांना किरण मोरे यांनी वसुली च्या कामावर ठेवले आहे, ट्रान्सपोर्ट कंपन्यकाडून वसुली करणारे एजंट वेगळे आहेत तर लक्कडकोट सिमा नाक्यावर सुद्धा असेच एजंट ठेवण्यात आले आहे. पूर्ण वसुली ची रक्कम ही महिन्याकाठी जवळपास 8 कोटींपेक्षा जास्त असल्याची माहिती आहे व हा पैसा सगळ्यांचे तोंड बंद करण्यासाठी व आमदार खासदार आणि मोठे पत्रकार यांना मैनेज करून महिन्याकाठी कोट्यावधी रुपयाचे गभन RTO अधिकारी करत आहे.
लक्कडकोट सिमा नाक्यावर cctv तपासल्यास खरे प्रकरण येणार समोर.
दिनांक 21/2/2025 ला अमरावती एसीबी ने केलेली कार्यवाही ही अधुरी असून जर एसीबी अधिकाऱ्यांनी प्रादेशिक परिवहन अधिकारी किरण मोरे आणि आनंद मेश्राम यांची चौकशी केली आणि सिमा नाक्यावर होणारी अवैध वसुलीचे सूत्रधार कोण आहेत या संदर्भात तेथील सिसिटीव्ही फुटेज घेऊन माहिती घेतली तर सर्व RTO अधिकारी यांच्यावर गुन्हे दाखल होऊ शकते व त्यामुळेच महिन्याकाठी 8 कोटींची अवैध वसुली करणाऱ्या RTO च्या टोळीने अमरावती एसीबी पथकाला श्रमिक मंथन या वृत्तपत्राने दावा केल्याप्रमाणे 50 लाख दिले असल्याची दाट शक्यता आहे, त्यामुळे या अमरावती एसीबी ट्रॅप ची तात्काळ चौकशी करावी व मुख्य आरोपी जे चंद्रपूर गडचिरली जिल्ह्याचे मुख्य अधिकारी आहेत त्या किरण मोरे आणि चंद्रपूर उपप्रादेशिक परिवहन अधिकारी आंनद मेश्राम यांच्यावर गुन्हे दाखल करावे अन्यथा महाराष्ट्र नवनिर्माण वाहतूक सेनेतर्फे RTO च्या या कोट्यावधी च्या अवैध वसुली विरोधात आंदोलन करण्यात येईल असा इशारा पण देण्यात आला.
