धार्मिक :- पांझूर्णीच्या माता भवानी देवस्थानाच्या सामाजिक सभागृहाचे भूमिपूजन.

धार्मिक सामाजिक उपक्रमाला आवश्यक अशा सभागृहाच्या निर्मिती करिता आपले योगदान देण्याचे दानदात्याला आवाहन.

वरोरा :-

पांझूर्णीच्या माता भवानी वर श्रद्धा असणाऱ्या भक्तांची मोठी संख्या असून मांगलिक कार्य व विविध तिथीला मोठया प्रमाणात भक्त येथे दर्शनासाठी येत असतात, दरम्यान या ठिकाणी भोजन हवन आणि भजन याकरिता मोठया संख्येने आलेल्या भक्तांची व्यवस्था होत नसल्याने या ठिकाणी एक सुसज्य असे सभागृह असावे व तिथे मांगलिक कार्य व धार्मिक विधी कार्य व्हावे याकरिता काही भवानी माता भक्तांनी या सभागृहाचे बांधकाम करायचा संकल्प केला असून स्वतःच वर्गणी काढून त्यांनी या सभागृहाचे बांधकाम भूमिपूजन काल दिनांक 16 सप्टेंबर ला केले आहे.

यावेळी या धार्मिक सामाजिक उपक्रमासाठी व सभागृह बांधकामासाठी सर्व दानदात्यांनी भरभरून दान द्यावे असे आवाहन माता भवानी भक्त अरुण बोथले, पांडुरंग खीरटकर, वसंता ठावरी, राजू मेश्राम, प्रवीण साळवे, संजय ठाकरे, बिलासनी मराई, गणेश रिठे, ब्रह्मदीप मुळे, रमेश लोटमकार, वनिता लोटमकार, पूजा रिठे, आयुषी रिठे, सान्वी रिठे, रवींद्र धाडसे, महेश ठाकरे इत्यादीनी केले आहे.