📰 WCL प्रकल्पग्रस्त गावांच्या वर्षानुवर्षे प्रलंबित मागण्यांना दिलासा; सामाजिक कार्यकर्ते शुभम गेडाम यांच्या पाठपुराव्याला यश — स्टेट लाईट कामास प्रत्यक्ष सुरुवात, 5 मागण्या मंजूर, 3 मागण्या पूर्णतेच्या मार्गावर

📰 WCL प्रकल्पग्रस्त गावांच्या वर्षानुवर्षे प्रलंबित मागण्यांना दिलासा; सामाजिक कार्यकर्ते शुभम गेडाम यांच्या पाठपुराव्याला यश — स्टेट लाईट कामास प्रत्यक्ष सुरुवात, 5 मागण्या मंजूर, 3 मागण्या पूर्णतेच्या मार्गावर

चंद्रपूर | 21 सप्टेंबर 2025 :-  WCL दुर्गापूर ओपन कास्ट प्रकल्पामुळे विस्थापित झालेली सिनाळा, मसाळा (जुना) आणि नवेगाव ही गावे गेल्या अनेक वर्षांपासून मूलभूत सुविधा व विकासापासून वंचित होती. मात्र आता या गावांच्या वर्षानुवर्षे प्रलंबित मागण्यांवर मार्ग निघाला असून, सामाजिक कार्यकर्ते व माजी आदिवासी महामंत्री श्री. शुभम गेडाम यांच्या सातत्यपूर्ण पाठपुराव्याला यश मिळाले आहे.

News reporter :- अतुल दिघाडे

WCL प्रशासनाने गावकऱ्यांच्या 8 प्रमुख मागण्यांपैकी 5 मागण्या तात्काळ मंजूर करत काम सुरू करण्याचे लेखी आश्वासन दिले असून, उर्वरित 3 मागण्या पुढील 7 दिवसांत पूर्ण करण्याचे आश्वासनही देण्यात आले आहे. विशेष बाब म्हणजे, गावागावात स्टेट लाईट लावण्याच्या कामास प्रत्यक्ष सुरुवात करण्यात आली आहे, ज्यामुळे ग्रामस्थांमध्ये आनंदाचे वातावरण निर्माण झाले आहे.

या मागण्यांमध्ये पिण्याचे शुद्ध पाणी, स्थानिक रोजगार, गाव सीमांकन, स्वच्छता निधी, आणि स्टेट लाईट यांचा समावेश होता. यापैकी स्टेट लाईट लावण्याचे काम प्रत्यक्षात सुरू झाले असून, रात्रीच्या वेळी गावात सुरक्षितता आणि सुविधा यामध्ये मोठा बदल जाणवत आहे.

WCL चे उपक्षेत्रीय महाप्रबंधक आणि संबंधित अधिकाऱ्यांच्या उपस्थितीत झालेल्या बैठकीत हे निर्णय घेण्यात आले. लेखी आश्वासनांमुळे गावकऱ्यांच्या संघर्षाला दिशा मिळाली असून, या सकारात्मक पावलांमुळे गावाच्या विकासाला गती मिळणार आहे

🗣️ ग्रामस्थांचे मत :- “स्टेट लाईट लागल्यामुळे गावात पहिल्यांदाच रात्र उजळली आहे. सुरक्षितता वाढली आहे. शुभमभाऊंचा आम्ही ऋणी आहोत.”