वेकोलि प्रशासनाला इलेक्ट्रिक पाणी व इतर सुविधेचा कोट्यावधीचा चुना.
घूग्गूस प्रतिनिधी :-
वेकोलि वणी क्षेत्रातील शास्त्री नगर, बंगाली कैम्प रामनगर,इंदिरा,सुभाष नगर.गांधी नगर.असगर नाला व शालीकराम नगर या ठिकाणी काही अवैध व्यवसायी घुसले असून त्यांनी वेकोलि च्या क्वार्टर कब्जात करून ते क्वार्टर व वेकोलि च्या कब्जातील जमिनीची बेकायदेशीर विक्री चालवली असल्याची व त्यात वेकोलि चे सुरक्षा अधिकारी व कर्मचारी तसेच सब एरिया मैनेजर यांचे अर्थपूर्ण दुर्लक्ष असल्याची धक्कादायक बाब समोर आली आहे.
वणी वेकोलि क्षेत्रात घूग्गूस निजलई क्षेत्रात काम करणाऱ्या वेकोलि कर्मचारी व अधिकारी यांचे क्वार्टर फार वर्षापूर्वी घूग्गूस लगत बांधण्यात आले होते त्यात काही वेकोलि कर्मचारी अधिकृतपणे तर काही बाहेरील प्रांतातील लोक अनधिकृतपणे राहतात व वेकोलिची शेकडो एकर जमीन पडित आहे त्या जमिनीची विक्री सुद्धा परस्पर केल्या जात आहे. या संदर्भात अनेकवेळा मुख्य महाप्रबंधक यांच्याकडे तक्रारी दिल्या पण त्यावर अजून कारवाई झाली नसून अनधिकृतपणे व बेकायदेशीरपणे राहणाऱ्या लोकांना बाहेर काढले नाही. त्यामुळे वेकोलि ला दरवर्षी वीज पाणी व इतर सुविधेपोटी कोट्यावधी रुपयाचा नाहक भुर्दंड बसत आहे. त्यामुळे या प्रकरणात वेकोलि मुख्य महाप्रबंधक जातीने लक्ष देऊन बाहेरील लोकांना इथून बाहेर काढावे अशी मागणी होत आहे.
