Home चंद्रपूर पालकमंत्री सुधीर मुनगंटीवार यांची आज ७ ऑगस्‍ट रोजी नियोजन भवन येथ पूरग्रस्तांसोबत...

पालकमंत्री सुधीर मुनगंटीवार यांची आज ७ ऑगस्‍ट रोजी नियोजन भवन येथ पूरग्रस्तांसोबत बैठक

 

अतुल दिघाडे
जिल्हाप्रतिनिध

चंद्रपूर  :-   चंद्रपूर शहरात व आजुबाजूच्‍या परिसरात गेल्‍या काही महिन्‍यांपासून पावसाचा प्रचंड जोर होता. त्यामुळे परिसरातील अनेक नागरिकांच्‍या घरी पाणी शिरले. तसेच अनेक वस्‍त्‍या जलमय झाल्‍या. ज्‍यामुळे नागरिकांना प्रचंड त्रास सहन करावा लागला. काही रहिवाश्‍यांना पिण्‍याचे पाणी, अन्‍न, विज या सर्व गोष्‍टींचा तुटवडा जाणवला. अशी परिस्थिती ज्‍या परिसरातील नागरिकांवर उद्भवली त्‍यांना प्रशासनाने शक्‍य ती मदत करण्‍याचा पूर्ण प्रयत्‍न केला. परंतु ज्‍यांना अजुनही कुठलीही मदत मिळालेली नाही किंवा मिळालेली मदत ही कमी आहे, असे वाटते अश्‍या सर्व नागरिकांना चंद्रपूर जिल्ह्याचे पालकमंत्री व राज्‍याचे वने, सांस्कृतिक कार्य, मत्‍स्‍य व्‍यवसाय मंत्री ना. सुधीर मुनगंटीवार ७ ऑगस्‍ट रोजी दुपारी ४.०० वा. नियोजन भवन, जिल्‍हाधिकारी कार्यालय परिसर, चंद्रपूर येथे प्रत्‍यक्ष भेटणार आहेत व त्‍यांच्‍या समस्‍या ऐकून त्‍यावर उपाययोजना करण्‍याचे निर्देश देणार आहेत. ज्‍या नागरिकांना आपल्‍या समस्‍या घेवून भेटावयाचे आहे त्‍यांनी आपले अर्ज घेवून प्रत्‍यक्ष नियोजन भवन, चंद्रपूर येथे उपस्थित राहावे, असे आवाहन पालकमंत्री कार्यालयाने केलेले आहे.

Previous articleचंद्रपूरच्या पूरग्रस्त भागातील भूखंड विकणाऱ्या बिल्डरवर होणार कारवाई
Next articleब्रेकिंग :- शेवटी API चवरेच्या अन्यायामुळे आदिवासी पिडीत महिलेने पोलीस स्टेशन परिसरातच घेतले विष.

LEAVE A REPLY

Please enter your comment!
Please enter your name here