जिल्हाप्रतिनिधी
चंद्रपूर :- चंद्रपूर शहरातील बंगाली कॅम्पच्या बल्लारपूर रोड ओव्हर ब्रिजजवळ दुपारी ४ ते ५ वाजताच्या सुमारास भीषण अपघात घडला. एस. SCCPL कंपनीच्या हायवा ट्रक क्रमांक MH34BZ3835 ने दुचाकीला जोरदार धडक दिली. दुचाकीवर तिघे व्यक्ती यात्रा करत होते, त्यात मागे बसलेल्या अजय बाठो (२६) या तरुणाला ट्रकने धडक दिली.
News reporter :- अतुल दिघाडे
या धडकेत अजय बाठो गंभीरपणे जखमी झाला आणि त्याला तात्काळ नजीकच्या रुग्णालयात नेण्यात आले. परंतु, उपचारादरम्यान अजयचा मृत्यू झाला. अपघातात दुसरे दोन जण जखमी झाले आहेत आणि त्यांना उपचारासाठी रुग्णालयात दाखल करण्यात आले आहे.
घटनेची माहिती मिळताच रामनगर पोलीस ठाण्याच्या पथकाने घटनास्थळी पोहोचून तपास सुरू केला. पोलिसांनी अपघाताची नोंद केली असून ट्रक चालकाविरुद्ध गुन्हा दाखल केला आहे. पोलीस प्रशासनाने अपघाताच्या कारणांची तपासणी सुरू केली असून, पुढील कारवाईसाठी संबंधित सर्व कागदपत्रांची तपासणी चालू आहे.
यासंदर्भात अधिक माहिती मिळवण्यासाठी पोलीस प्रशासनाने जनतेला संपर्क साधण्याचे आवाहन केले आहे.