ओबीसी गटातून तिघांच्या सामन्यात शामकांत थेरे यांचे पारडे जड, तर वरोऱ्यात तिरंगी लढतीत डॉ देवतळे पुढे.
चंद्रपूर :-
चंद्रपूर जिल्हा मध्यवर्ती सहकारी बँकेच्या निवडणुकीत पुन्हा एकदा रंगत निर्माण झाली आहे, कारण उच्च न्यायालयात तब्बल चार उमेदवारांना अपात्र ठरविल्यानंतर एकतर्फी होत असलेली निवडणूक आता सर्वोच्य न्यायालयाच्या स्थगिती नंतर रंगतदार होत आहें, कालपर्यंत निवडणूक रिंगणाबाहेर असलेले वरोराचे डॉ. विजय देवतळे, गोंडपिंपरी येथील उल्हास करपे, राजुराचे माजी आमदार सुदर्शन निमकर व कोरपनाचे विजय बावणे थेट निवडणूक रिंगणात आले आहेत. तर बिनविरोध निवडीचा गुलाल उधळणारे शेखर धोटे (कोरपना) आणि नागेश्वर ठेंगणे (राजुरा) यांना निवडणुकीला सामोरे जावे लागणार आहे. दरम्यान, न्यायालयाच्या निर्णयाचा सर्वाधिक लाभ उल्हास करपे यांना झाला असून ते बिनविरोध निवडून आले आहेत.
चंद्रपूर जिल्हा बँकेच्या संचालक पदाच्या निवडणुकीत वेळोवेळी अतिशय नाट्यमय घडामोडी होत आहेत. आता निवडणुकीत खरी रंगत निर्माण झाली आहे. वरोरा (अ गट): जयंत टेमुर्डे, विजय देवतळे, वसंत विधाते यांच्या लढत होईल. कोरपना तालुक्यात विजय बावणे विरुद्ध शेखर धोटे तर चंद्रपूर तालुक्यातील अ गटात : सुभाष रघाताटे विरुद्ध दिनेश चोखारे यांची लढत होईल.
रोहित बोम्मावर, ॲड. वासुदेव खेळकर, उमाकांत धांडे, किशोर ढुमणे, प्रकाश खरवडे, मिलिंद संगमवार, दशरथ कामतवार, तर ओबीसी गटात शामकांत थेरे, गजानन पाथोडे, सूर्यकांत खनके, शरद जिवतोडे तर अनुसूचित जाती-जमाती गटात प्रशांत बांबोडे, ललित मोटघरे, कोमल खोब्रागडे, मधुकर भगत, ॲड. नारायण जांभुळे आणि भटक्या विमुक्त व विशेष मागास प्रवर्ग: पांडूरंग जाधव, दामोदर रुयाकर, यशवंत दिघोरे यांच्यात लढत आहे. मतदान १० जुलै तर मतमोजणी ११ जुलै रोजी होईल
ओबीसी गटातून तिघांच्या सामण्यात शामकांत थेरे यांचे पारडे जड?
जिल्हा बँकेच्या इतर मागासवर्गीय मतदारसंघातून सूर्यकांत खनके, श्यामकांत थेरे, गजानन पाथोडे आणि शरद जीवतोडे हे चार उमेदवार रिंगणात उतरले आहे. मात्र, खरी लढत श्यामकांत थेरे, सूर्यकांत खनके आणि गजानन पाथोडे यांच्यातच होणार असल्याची माहिती आहे. दरम्यान, चारही उमेदवारांकडून मतदारांपर्यंत पोहोचण्याची कसरत केली जात आहे. प्रचारासाठी अवघे तदोन दिवस शिल्लक असल्याने अंतिम टप्प्यात प्रचार पोहोचला आहे. दरम्यान, या गटातून तिघांपैकी कोण बाजी मारणार, हे ११ जुलैला कळणार असले तरी शामकांत थेरे यांचे पारडे जड असल्याची माहिती आहें.
