महाराष्ट्र नवनिर्माण सेना करणार शेतकऱ्यांची बेकायदेशीर जमीन हडपनाऱ्या व्यापारी दलालाविरोधात आंदोलन.
भद्रावती प्रतिनिधी :-
शेतकऱ्यांची दारू पाजुन किंव्हा व्याजाच्या पैशातून जमिनीची बेकायदेशीर विक्री करणारी टोळी वरोरा भद्रावती परिसरात सक्रिय असून अनेक शेतकऱ्यांची फसवणूक करून जमीन हडपनाऱ्या टोळीतील शशिकांत विरूटकर, नरेश मांडवकर, शंकर अडूर या दलालांनी गोविंदा तेला ह्या व्यापाऱ्यांना नरेंद्र थेरे या दारुड्या शेतकऱ्याची बोगस विक्री करून ती शेत जमीन हडप करण्याचा प्रयत्न केला असून या संदर्भात वरोरा पोलीस स्टेशन चे ठाणेदार खोब्रागडे यांनी शेतकऱ्याच्या पत्नीची तक्रार घेतली नसल्याने शेतकऱ्यांचे भाऊ विनोद थेरे यांनी जिल्हा पोलीस अधीक्षक यांच्याकडे तक्रार केली आहे, मात्र तरीही त्या व्यापारी व दलालावर गुन्हे दाखल झाले नसल्याने हे प्रकरण दडपले जाण्याची शक्यता बघता महाराष्ट्र नवनिर्माण सेनेतर्फे पोलीस प्रशासनाच्या या वेळकाढू धोरणाविरोधात आंदोलन करणार असल्याची माहिती आहे.
प्राप्त माहितीनुसार नरेंद्र थेरे यांची वडीलोपार्जीत मालकीची शेतजमीन मौजा डोंगरगांव (खडी), ता. भद्रावती, जि. चंद्रपुर येथे भु. क. ७६/२, आराजी १.८९ हे. आर शेतजमीन असुन सदरची शेतजमीन नरेंद्र व विनोद लटारी थेरे यांच्या नावाने सयुक्तपणे दर्ज आहे. यामध्ये शेतजमीनीत नरेंद्र थेरे यांच्या नावाने ०. ९४ हे. आर हिस्सा असुन नरेंद्र ला दारुचे अनोनात व्यसन असल्याने त्याचा फायदा घेऊन गोविंदा तेला यांनी शशिकांत विरूटकर, नरेश मांडवकर, शंकर अडूर यांच्या मदतीने नरेंद्र थेरे याला दि. २१/०२/२०२२ रोजी नंदोरी बु. फाटयावरुन वरोरा येथे दारु पिण्यासाठी आणले व त्याचे एच. डी. एफ. सी. बैंक वरोरा येथे खाते क्र. ५०१००४९१४९२४२१ हे बचत खाते काढले व बैंक पासबुक, ए. टी. एम. व चेकबुक काढून ते शशिकांत विरुटकर यांच्याकडे ठेवले व शंकर अडूर यांनी नरेंद्र थेरे यांचे दारूच्या नशेत असताना अपहरण करून फोर व्हीलर गाडीतून फिरवीले. दि. २१/०२/२०२२ रोजी वरोरा येथे विक्री दस्त तयार केला व गोविंदा तेला यांनी दि. २१/०२/२०२२ रोजी पासून दि. २६/०२/२०२२ पावेतो नरेंद्र थेरे याला भारत लॉज वरोरा येथे बंदीस्त करुन ठेवले व दि. २१/०२/२०२२ रोजी वरोरा येथील भारत लॉजवरुन फोर व्हीलरने भद्रावती येथे नेवून सदर शेताचा कोणताही मोबदला न देता दारुच्या नशेत वडीलोपार्जीत शेताची विक्री गोविंदा तेला यांनी स्वतःचे नावाने केली आहे.
गोविंदा तेला यांनी शशिकांत विरूटकर, नरेश मांडवकर, शंकर अडूर यांच्या मदतीने दारूच्या नशेत असणाऱ्या नरेंद्र थेरे या शेतकऱ्यांची शेतजमीन हडपली असल्याची माहिती समोर आल्यानंतर नरेंद्रची पत्नी साधना थेरे यांनी वरोरा पोलीस स्टेशन मधे तक्रार करून तेला व दलालावर सावकारी कायद्यांतर्गत व फसवणूक केल्या प्रकरणी गुन्हा दाखल करावा अशी मागणी केली आहे. मात्र ठाणेदार खोब्रागडे यांनी शेतकऱ्याच्या पत्नीला व भावाला हुसकावून लावून तक्रार घेतली नाही त्यामुळे संयुक्त शेती असणाऱ्या विनोद थेरे या भावाने मनसे जिल्हा उपाध्यक्ष राजू कुकडे यांच्या पुढाकाराने जिल्हा पोलीस अधीक्षक यांच्याकडे तक्रार देऊन पत्रकार परिषद घेतली व व्यापारी तेला व दलाला वर गुन्हे दाखल करण्याची मागणी केली. या प्रसंगी पिडीत शेतकरी नरेंद्र थेरे यांनी आपले दारूच्या नशेत कसे अपहरण करण्यात आले याबद्दल आपबिति सांगितली. दरम्यान व्यापारी तेला यांनी आपल्यावर कारवाई होऊ नये म्हणून पोलीस प्रशासनासोबत संपर्क करून आर्थिक देवाणघेवाण केली असावी असा आरोप होत असून पोलिसांनी या संदर्भात तात्काळ कारवाई केली नाही तर शेतकऱ्यांवर अन्याय करणाऱ्या व्यापारी तेला व दलालावर पोलिसांनी कारवाई केली नाही तर महाराष्ट्र नवनिर्माण सेना पोलीस प्रशासनाच्या लाचखोर धोरणाविरोधात मनसे स्टाईल आंदोलन करेल असा इशारा मनसे जिल्हा उपाध्यक्ष राजू कुकडे यांनी दिला आहे.
