बेकायदेशीरपणे व नियमबाह्य पद्धतीने विद्यमान कंत्राटदार शेख यांना डावलल्याने त्यांनी ठोकले पंचायत समितीला कुलूप.
वरोरा प्रतिनिधी (धनराज मा बाटबरवे):-
वरोरा तालुक्यातील टेमुर्डा ग्रामपंचायत सरपंच सचिवाच्या मुजोरीने गुरुवारचा बाजार लिलाव सेटिंग झाला असताना व त्या संबंधाने बाजार लिलाव प्रकरणात पंचायत समितीच्या अधिकाऱ्यांकडून न्याय मिळत नसल्याने विद्यमान बाजार लिलाव धारक कंत्राटदार शेख यांनी बाजाराच्या दिवशी (गुरुवार, ३ जुलै) वरोरा पंचायत समितीच्या मुख्य प्रवेशद्वारावर कुलूप ठोकले. या अनपेक्षित घटनेमुळे पंचायत समिती परिसरात एकच खळबळ माजली आणि त्वरित पोलिसांना पाचारण करून आंदोलन कर्ते शेख यांना ताब्यात घेण्यात आले.
टेमुर्डा येथील आठवडी बाजाराच्या लिलावात भाग घेण्यासाठी ७ फेब्रुवारी रोजी ठेवण्यात आलेल्या अटीनुसार दहा लाख रुपयांचा धनादेश (डिमांड ड्राफ्ट) आवश्यक होता. या लिलावात सहभागी झालेल्या शेख यांनी दहा लाख रुपयांचा धनादेश सादर केला होता, परंतु त्याची मुदत जवळपास संपत आल्यामुळे त्यांना ग्रामपंचायत सरपंच व सचिवानी लिलावात भाग घेण्यास मनाई केली कारण त्यांनी एका कंत्राटदार याच्यासोबत सेटिंग करून विद्यमान कंत्राटदार शेख यांना बाजूला करण्याचा पर्यन्त केला.
शेख च्या तक्रारीला पंचायत समिती मध्ये केराची टोपली?
ग्रामपंचायत सरपंच व सचिवानी लिलावात भाग घेण्यास मनाई केल्याने कारण त्यांनी शेख यांनी चंद्रपूर जिल्हा परिषदेच्या मुख्य कार्यकारी अधिकाऱ्यांकडे तक्रार केली. त्यानंतर पंचायत समितीकडून चौकशी करून अहवाल सादर करण्यात आला, परंतु तो अपुरा असल्याचे जाणवल्याने पुन्हा सुधारित अहवाल मागण्यात आला. अधिकाऱ्यांकडून वारंवार पत्रव्यवहार झाला, तरीही ४ महिन्यांहून अधिक काळ लोटल्यानंतरही पंचायत समितीने कोणतीही सकारात्मक कार्यवाही केली नाही, त्यामुळे पंचायत समितीच्या या जानिवपूर्वक दिरंगाई दुर्लक्षामुळे शेख यांनी कंटाळून पंचायत समितीच्या प्रवेद्वाराला कुलूप ठोकून निषेध केला.
सरपंच सचिवानंतर पंचायत समिती अधिकाऱ्यांची पण दादागिरी?
शेख यांच्या म्हणण्यानुसार, पंचायत समितीचे अधिकारी त्यांच्याशी उद्धटपणे वागत असून, *”तुला जे करायचे ते कर”* अशी अरेरावीची भाषा वापरत आहेत. यामुळे नाराज झालेल्या शेख यांनी १ जुलै रोजी वरोडा पोलीस स्टेशनला पत्र लिहून आंदोलनाचा इशारा दिला होता. परंतु अधिकारी मात्र याकडे दुर्लक्ष करीत असल्याने आज दुपारी दीड वाजता शेख यांनी पंचायत समितीच्या मुख्य दरवाजावर कुलूप लावून प्रशासनाला चुनौती दिली. या घटनेमुळे पंचायत समितीतील अधिकारी, कर्मचारी आणि इतर नागरिक हादरले. घटनेची माहिती मिळताच पोलीस ताबडतोब घटनास्थळी पोहोचले आणि शेख यांना तात्पुरते अटक केले. तसेच, पंचायत समितीचे अधिकारी पोलीस स्टेशनला तक्रार नोंदवण्यासाठी पोहोचले आहेत.
या प्रकरणी पंचायत समितीच्या संवर्ग विकास अधिकाऱ्यांशी संपर्क साधण्याचा प्रयत्न केला असता, त्यांच्याकडून कोणताही प्रतिसाद मिळाला नाही. दरम्यान या घटनेमुळे पंचायत समितीच्या कार्यपद्धतीवर प्रश्न उपस्थित झाले आहेत. नागरिकांच्या गंभीर तक्रारीकडे दुर्लक्ष केल्याच्या आरोपांना प्रशासन कसा प्रतिसाद देतं, हे पुढील दिवसांत लक्षात येईल.
