अन्यथा नागपरिषद प्रशासनाविरोधात आंदोलन करू, माजी सभापती छोटू भाई शेख यांचा इशारा.
वरोरा :-
वरोरा नगरपरिषद मध्ये नगरसेवक पदाधिकाऱ्यांचा कार्यकाल संपून अडीच ते तीन वर्षे पूर्ण झाले आहे मात्र त्यामुळे नगरपरिषद प्रशासनाकडे शहराचा सर्व करभार आला, पर्यायाने शहरात अनेक समस्या निर्माण झाल्या आहे व शहरातील 60 हजार नागरिकांना अनेक अडचणीचा सामना करावा लागत आहे, नगरपरिषद प्रशासनावर लोकप्रतिनिधी यांचा वचक नसल्याने शासनाकडून चुकीच्या धोरणामुळे स्वच्छते व इतर विकास कामाकरिता 14 व 15 वित्त आयोग निधी शासनाकडून नगरपरिषदेला तीन वर्षे लोटून मिळाला नाही व इतर निधी सुद्धा मिळाला नाही त्यामुळे स्वच्छता व अनेक विकास कामाकरिता प्रशासनाला निधी नसल्याने अडचण येत आहे. त्यामुळे नगरपरिषद प्रशासनाने या संदर्भात तातडीने जिल्हा प्रशासन व राज्य शासन यांच्येकडून निधी आणावा व शहराचा विकास ठप्प झाला त्याला चालना द्यावी अन्यथा प्रशासनाविरोधात आंदोलन करण्यात येईल असा इशारा माजी बांधकाम सभापती छोटूभाई शेख यांनी प्रशासनाला दिला आहे.
काय आहेत कामे आणि समस्या?
मागील 3 वर्षापासून घंटागाडी चे काम देण्यात आलेले नाही, नाली सफाई करणाऱ्या व्यतिरिक्त कामगारांकडून अपुरे काम करून घेतलं जात आहे, शहरात जवळपास 14 ते 15 हजार टॅक्स धारक असून त्यांच्या येथील कचरा दररोज घंटागाडी उचलण्याकरिता नागरिकांवर घंटागाडी कर लावण्यात आला असून 60 ते 65 लाख रुपये कर दरवर्षी नागरिकाकडून वसूल केल्या जाते आणि एक दिवस आड घंटागाडी पाठवून नागरिकांची आर्थिक लूट प्रशासनाच्या चुकीच्या धोरणामुळे होत आहे, एक तर नेहमीच घंटागाडी पाठविण्यात यावी नाहीतर कर अर्धा भरायला लावण्यात यावा, मागील 2 ते 3 वर्षापासून प्रलंबित असलेले घरकुल चे प्रकरण मार्गी लावून गोरगरीब नागरिकांना घरकुल योजनेचा लाभ मिळायला हवा, शहरातील सर्व नागरिकांचे आरोग्य चांगले राहण्याकरिता सर्व प्रभागात नाल्यांमध्ये कीटकनाशक औषधीचे फवारणी करून फॉगिंग मशीन द्वारा दुप्पट करण्यात यावे, आनंदवन व मोहबाळा कडून शहरात येत असलेले सांडपाण्यामुळे नागरिकांच्या रहदारीस अडचण व नागरिकांच्या घरात पाणी घुसून नुकसान होत असल्याने सदर येणारे सांडपाणी शहराबाहेरून काढण्यात यावे, शहरातील मुख्य चौक व रस्त्यावर मोठ्या प्रमाणात बसून असलेल्या मोकाट जनावरामुळे सतत अपघात होऊन रहदारीस अडचण निर्माण होत आहे तरी मोकाट जनावरांचा बंदोबस्त करून ठेकेदारावर कार्यवाही करण्यात यावी, शहरातील सर्व प्रभाग महिन्यातून नाल्या सफाई दोन वेळा करण्यात याव्यात, 2 वर्षांपूर्वी शहरातील सर्व प्रभागात 60 ते 80 स्ट्रीट लाईटचे विद्युत पोल लाखो रुपये खर्च करून उभे करण्यात आले असून त्यांच्यावर आतापर्यंत सुद्धा स्ट्रीट लाईट लावण्यात आले नाही तरी नागरिकांच्या सुविधे करिता लवकर स्ट्रीट लाईट लावण्यात यावे, मागील 1ते 2 वर्षांत शहरातील विविध विकास कामे ठेकेदारांनी निष्कृष्ट दर्जाचे केले असल्याने अशा कामाची चौकशी करून त्यांचे १०% सेक्युरिटी डिपॉझिट जप्त करून व पंडात रक्कम जमा करण्याची कार्यवाही करण्यात यावी, शहरातील एक वर्ष पासून ठेकेदाराने घेतलेले विविध विकास काम सुरू न करणाऱ्या ठेकेदारावर दंडात्मक कार्यवाही करून काम तातडीने सुरुवात करण्यात यावे, शहरातील सर्व प्रभागातील प्रमुख व अंतर्गत डांबर व खडीकरण रस्त्यावर मोठ्या प्रमाणात खड्डे पडले असल्याने मुरूम व डस्ट टाकून खड्डे बुजवण्यात यावे, शहरातील अत्यंत आवश्यक असलेले काही सुचवलेले विकास कामे मंजूर करण्यात यावे, प्रभाग क्रमांक चार मध्ये मंजूर व ठेकेदाराला वर्क ऑर्डर दिलेले कामे लवकर सुरू करण्यात करिता कारवाई करण्यात यावे, शहरातील मुख्य रोडवर बसवण्यात आलेले निष्कर्ष दर्जाचे स्टेट लाईट डेकोरेट पोल अनेक ठिकाणी पडले आहे त्या कामाची चौकशी करून ठेकेदारावर दहा टक्के अनामत रक्कम कपात करण्याची कारवाई करण्यात यावी.
इत्यादी समस्या सोडवून नागरिकांना सुविधा देण्यात याव्या अन्यथा आंदोलन छेडण्यात येईल असा इशारा काँग्रेस कामगार आघाडी चे राज्य उपाध्यक्ष तथा तथा माजी बांधकाम व पाणीपुरवठा स्वच्छता सभापती शेख जैरुदीन छोटूभाई व त्यांचे सहकारी यांनी दिला आहे, यावेळी मनोहर जी ताजने मनुभाई शेख मोहसीन भाई पठाण शब्बीर भाई शेख प्रशांत पिंपरे शेषराव भोयर गुलाबधबे सचिन धवस करण नकवे राजेंद्र दुधलकर कीर्तन विठ्ठल ताजने गुलाब झुंजारे अशोक सोनटक्के दिलीप मेश्राम बबन शिरसागर उपस्थित होते, निवेदनाची प्रत पुढील कार्यवाही करिता खासदार प्रतिभाताई धानोरकर मा. पालकमंत्री सुधीर भाऊ मुनगंटीवार मा. विरोधी पक्षनेते विजय भाऊ वडेट्टीवार मा. जिल्हाधिकारी साहेब चंद्रपूर त्यांच्याकडे पाठविण्यात आले आहे
