गडचांदूर न.प कर्मचारी कृपिल नलेवार,प्रमोद वाघमारे यांच्या विरोधात दीपक वर्भे यांची जिल्हाधिकारी यांच्याकडे तक्रार
चंद्रपूर प्रतिनिधी :-
गडचांदूर नगरपरिषद ही नेहमीच वादात गुंतलेली असताना आता या नगरपरिषद चे कर्मचारी खुलेआम प्रतिबंधित असलेल्या प्लास्टिक च्या (पत्रावळी, द्रोण, गिलास, कटोऱ्या व अन्य) भरलेले बंद पिकअप वाहन पकडल्या नंतर त्यांच्याकडून दंडाची रक्कम वसूल करत त्यातून लाखों रुपयांची हेराफेरी करण्याचे प्रकरण सामाजिक कार्यकर्ते दीपक वर्भे यांनी समोर आणले अहेव या संदर्भात त्यांनी जिल्हाधिकारी व जिल्हा पोलीस अधीक्षक यांच्याकडे तक्रार करून या कर्मचाऱ्यांवर निलंबनाची कारवाई करा अशी मागणी केली आहे.
महाराष्ट्र शासनाच्या परिपत्रकानुसार संपूर्ण राज्यात प्लॉस्टीक बंदी असून विविध ठिकाणी त्याची काटेकोरपणे अंमलबजावणी सुरु आहे. मात्र कोरपना तालुक्यातील नगर परिषद गडचांदूर हद्दीत सदर प्लॉस्टीक बंदीचा पुरता बोजवारा उडाल्याचे स्पष्ट दिसून येते. दरम्यान, काल दि. २४ ऑगष्ट २०२२ रोजी सायंकाळी साडेसहा वाजताच्या सुमारास वर्धा येथील सुमित ब्रिजकिशोर नाजोदिया यांचे पिकअप वाहन उल्लेखित प्लॉस्टिकच्या वस्तु भरुण गडचांदूर येथील मे. झुल्लूरवार कॅम्पलेक्समध्ये असलेल्या मे. भवाणी जनरल स्टोअर्स गडचांदूर येथे दाखल झाले. या वाहनात पुर्ण प्लॉस्टीकच्या वस्तु होत्या. त्या वस्तू सदर दुकाणात उतरवणे सुरु असल्याची कुणकुण नगर परिषदच्या काही कर्मचाऱ्यांना लागली. तेव्हा कृपिल नलेवार,प्रमोद वाघमारे हे दोघेही सदर दुकाणात जाऊन त्यांनी कथीत धाडीची थातुरमातूर कार्यवाही केली. दरम्यान, बघ्याची गर्दी वाढल्याने कृपिल नलेवार,प्रमोद वाघमारे यांच्या थोडासा प्लॉस्टिक माल वाहनात ठेवून ते वाहन गडचांदूर नगरपरिषदेत नेले. तेव्हा गाडी मालकाशी बोलून नगदी दोन लाख रुपये वसुल केले व पावती क्रमांक ३३३८४ नुसार फक्त पन्नास हजार दाखवून उर्वरित दिड लाखाची त्यांनी अफरातफर केली.
सदर सर्व प्रकरण श्री. श्रीशंत झुल्लुरवार आणि भवाणी जनरल स्टोअर्सच्या सिसिटिव्हीत रेकॉर्डींग झाले आहे. पोलीसांकडून हे सारे फुटेज तपासल्यास संपूर्ण प्रकरणाचा उलगडा होऊ शकतो. तेव्हा या गंभीर प्ररकणाची तातडीने दखल घेऊन कृपिल नलेवार,प्रमोद वाघमारे यांच्यावर निलंबनाची कारवाई करावी अशी मागणी दीपक वर्भे मदन बोरकर राजू चौधरी अशोक बोधे प्रवीण काकडे सुनील अरकिलवार करणंसिंग भुराने इत्यादींनी पत्रकार परिषद द्वारे केली आहे.
