अतुल दिघाडे
जिल्हाप्रतिनिधी
बल्लारपूर. :- १ जानेवारी २०२४: बल्लारपूर तालुक्यातील वीर भगतसिंह वाचनालय बामणी येथे काँग्रेस नेते दिनेश दादा पाटील चोखारे यांच्या वतीने स्पर्धा परीक्षा तयारी करणाऱ्या विद्यार्थ्यांना बुक वाटप करण्यात आले. नवीन वर्षाच्या पहिल्या दिवशी हा कार्यक्रम घेण्यात आला.
या कार्यक्रमात काँग्रेस नेते दिनेश दादा पाटील चोखारे यांच्यासह, ओबीसी नेते सचीन राजुरकर, ओबीसी विभागाचे तालुका अध्यक्ष विवेक खुटेमाटे आदी उपस्थित होते.
कार्यक्रमात दिनेश दादा पाटील चोखारे यांनी विद्यार्थ्यांना संबोधित करताना सांगितले की, स्पर्धा परीक्षा ही एक कठीण परीक्षा आहे. या परीक्षांसाठी चांगली तयारी करणे आवश्यक आहे. यासाठी विद्यार्थ्यांना पुरेशी पुस्तके, माहिती आणि मार्गदर्शन मिळणे आवश्यक आहे. या कार्यक्रमातून विद्यार्थ्यांना पुस्तके वाटप करून त्यांना स्पर्धा परीक्षा तयारीसाठी प्रोत्साहन देण्याचा प्रयत्न केला आहे.
या कार्यक्रमात वाचनालयाच्या माध्यमातून स्पर्धा परीक्षा तयारी करणाऱ्या विद्यार्थ्यांना पुस्तके वाटप करण्यात आली. या पुस्तकांमध्ये विविध विषयांचे संदर्भ ग्रंथ, मॉक टेस्ट, प्रश्नपत्रिका आदींचा समावेश आहे. या पुस्तकांमुळे विद्यार्थ्यांना स्पर्धा परीक्षा तयारीसाठी मोलाची मदत होणार आहे.
